ကယားတိုင်းရင်းသား လူမျိုးများနှင့် ဆက်စပ်ပါဝင်သည့် လူမျိုးစုများမှာ -
(၁) ကယားလူမျိုးစုများ
(က) ကယား
(ခ) ကယားမိုနု
(ဂ) ကယားယင်းတလဲ
(၂) ကယန်းလူမျိုးစုများ
(က) ကယန်းကဲခေါင် (ပဒေါင်)
(ခ) ကယန်းကငန် (ယင်းဘော်)
(ဂ) ကယန်း(ဂေခို)
(ဃ) ကယန်းလထ/တိယံ (ခေါင်းတို)
(၃) ကယောလူမျိုးစုများ
(က) ကယော (ဟာဆူ)
(ခ) ကယော (ထီဘူးခီ)
(ဂ) ကယော (ဗရဲ့ကယော)
(ဃ) ကယော (ဆိုခူ)
(င) ကယော (ဂါလို)
(စ) ကယော (ပကူး)
(ဆ) ကယော (ဂဒို)
ကယားနှင့် ကရင်နီ အခေါ်အဝေါ်
ပြည်တွင်းတွင် ကယား နိုင်ငံရေးအသိုက်အဝန်းနှင့် အချို့က သူတို့ကိုယ်သူတို့ ကရင်နီ သို့မဟုတ် ကယန်းဟု ပြောလေ့ရှိသည်။ အင်္ဂလိပ်လက်ထက်မှစပြီး ကရင်နီဟုခေါ်ခဲ့သည်။ ဗြိတိသျှတို့က ဝတ်သည့် အင်္ကျီကိုကြည့်ပြီး ကရင်ဖြူ၊ ကရင်နီ၊ ကရင်နက်၊ ကရင်ကြားဟု သတ်မှတ်ခေါ်ဆိုသောကြောင့်ဖြစ်သည်။
ကရင်နီပြည်နယ်သည် အင်္ဂလိပ်ကိုလိုနီခေတ်တွင် လွတ်လပ်သော ကြားနယ်မြေဖြစ်ခဲ့သည်။ တောင်တန်း ပြည်မပေါင်းစည်းရေးကိစ္စ၌ ပထဝီနိုင်ငံရေးအရ ပေါင်းစည်းရေးကို ကရင်နီပြည်နယ်ခေါင်းဆောင်များက လက်ခံခဲ့သည်။ နောက်ပိုင်းတွင် ကရင်နီပြည်နယ်ကို သတ်သတ်အဖြစ် ကယားပြည်နယ်ဟူ၍ မဲခွဲ သတ်မှတ်ခဲ့သည်။ ပြည်ထောင်စုမြန်မာနိုင်ငံ ဖွဲ့စည်းအုပ်ချုပ်ပုံ အခြေခံ ဥပဒေ ပုဒ်မ ၁၈၀ (၁) (က) ပါ ကရင်နီပြည်နယ်ကို ပယ်ဖျက်ပြီး ကယားပြည်နယ်လို့ ပြင်ဆင် ပြဋ္ဌာန်းပေးရန် ၁၉၅၀ ဖေဖော်ဝါရီတွင် ကျင်းပသည့် လွှတ်တော်၌ ကရင်နီပြည်နယ်ကိုယ်စားလှယ် ဦးစိန်က အဆိုပြုချက်တင်သွင်းခဲ့သည်။အထူးစုံးစမ်းရေးကော်မတီက စုံစမ်းပြီး ၁၉၅၁ အောက်တိုဘာတွင် ကရင်နီမှ ကယားဟူ၍ ပြောင်းလဲခဲ့သည်။
ကရင်နီတို့က ဒါဟာ မြန်မာအစိုးရက တစ်ချိန်က ကရင်နီပြည်နယ်ရဲ့ လွတ်လပ်မှုကို ပြည်ဖုံးကားချချင်လို့ ကယားဆိုပြီး အမည်ပြောင်းဖြစ်တယ်ဟူ၍ သူတို့၏ သမိုင်းတွင် ရေးသားဖော်ပြထားသည်။ ထို့ကြောင့် သူတို့သည် ကယားဆိုသည်ကို မကြိုက်။ ကရင်နီဟု ခေါ်သည်ကိုသာ ကြိုက်နှစ်သက်သည်။
ကရင်နီလူမျိုးစုထဲတွင် ပါဝင်သည့် လူမျိုးများမှာ -
ကရင်နီ၊
ဂေခို၊
ဂေဘား၊
ကယန်း(ပဒေါင်)၊
ပရဲ့၊
မနုမနော၊
ယင်းဘော်၊ နှင့်
ယင်းတလဲ
ရှမ်း
ဗမာ
ပအို့ဝ်
ကရင်
အင်းသား တို့ဖြစ်ကြသည်။
ကယား ၉ မျိုး
အများက ပဒေါင်ဟု သိထားသောလူမျိုးများသည် ကယန်း ထဲတွင် ပါဝင်သည်။ သူတို့သည်လည်း “ပဒေါင်”ဟု ခေါ်သည်ကို မကြိုက်ချေ။ “ပဒေါင်”ဆိုသည်မှာ ရှမ်းတို့က ပေးသော အမည်ဖြစ်သည်။ သူတို့ဘာသာ မှည့်ခေါ်သော အမည် မဟုတ်။ သူတို့က ကယန်းဟု ခေါ်သည်ကိုနှစ်သက်သည်။ တစ်ခါတရံ အခြားကယန်း လူမျိုးများနှင့် ကွဲပြားစေရန် သူတို့ကိုယ်သူတို့ “လည်ပင်းရှည်”၊ “ကြေးကွင်းပတ်”ဟုလည်း ညွှန်းပြီး ပြောတတ်သေးသည်။
ရိုးရာယဉ်ကျေးမှုနှင့် ဓလေ့ထုံးစံ
ကယားလူမျိုးတို့က မိမိတို့သည် ကိန္နရာမျိုးမှ ဆင်းသက်လာသည်ဟု ယုံကြည်ကြပြီး ကိန္နရာငှက်၏ ခြေထောက်အသွင်တူရန် သစ်စေးသုတ် ကြိုးခွေများ ဒူးတွင် ပတ်ထားသည်။
No comments:
Post a Comment